I perioden frå denne veka vi er i no og fram til påske vert det ikkje opent onsdagskveldane i Jølster Skisenter. I denne perioden vert det kveldskøyring tysdag, torsdag og fredag + dagopent fredag og laurdag.
I kveld er det dermed stengt i Jølster Skisenter, men full fart att i morgon kl. 18.00 - 21.00.

Jølster Alpin inviterer alle born mellom 6 og 12 år til å vere med i Telenor karusellen i Jølster Skisenter. Første renn går av stabelen tysdag 9 mars. Les meir her.

Jølster Skisenter kan no i samarbeid med Jølster Alpin tilby godt kvalifiserte skiinstruktørar for både born og vaksne. Les meir om tilbodet her.

Denne sesongen kan vi i samarbeid med Firda Billag tilby Skibuss frå Florø, via Naustdal og Førde, til Jølster Skisenter. 
Bussen vert i første omgang sett opp kvar torsdag fom. 7 januar og skal gå fast heile sesongen. 
Frå Florø vil Skibussen + heiskort koste kr. 300 t/r for born/ungdom, frå Førde noko mindre. 
Du betalar for alt på bussen og heiskortet får du uttdelt når bussen kjem til Jølster Skisenter.
Avgang frå Florø kl. 16.30 - ankomst ca. 17.50
Avgang Jølster Skisenter kl. 21.10 - ankomst Florø ca kl. 22.30
Dersom skibussen får god respons vil tilbodet bli utvida så berre heng på.
Dersom du alt har sesongkort kostar bussen kr. 175 frå Florø og kr. 100 frå Naustdal/Førde.

Jølster Skisenter er no registrert i frivillighetsregisteret og er dermed godkjent som mottakar av GRASROTMIDLAR. Dette funkar slik at 5 % av alt du tippar for gjennom Norsk Tipping vil kome Jølster Skisenter til del dersom du vel å støtte dei. I 2009 er det faktsik slik at dersom du vel Jølster Skisenter som di første... mottakar av GRASROTMIDLAR så vil 5 % av alt du har tippa for i 2009 lande i Jølster Skisenter. Dette er i såfall pengar som vil kome svært godt med i vidare positiv utvikling av Jølster Skisenter.
Så fyk av stad og tipp og vel gjerne Jølster Skisenter som mottakar av din GRASROTANDEL.

Sist vinter vart det produsert ein illustrasjonsfilm om Kvamsfjellet ned. Her får du vere med på skuter opp på Kvamsfjellet på 1030 moh der du får nokre flotte glimt av utsikta derifrå. Så tek du skia fatt og tek turen i utforstilling ned  Super-G traseen heilt til botn på anlegget. Fotograf er Øyvind Gjesdal.
Filmen finn du på lenkja nedanfor.