Velkomne til oss i Jølster Skisenter og Jølster Alpin! Våre erfarne skiinstruktørar vil gjere vårt aller beste for at du skal få ei god skioppleving og meistre kunsten å stå på ski!
Nybyrjarkurs 5 tysdagar frå og med 10. januar. Kl. 18-19 og 19-20.
- Aldersgrense 5 år. Høver for deg som ikkje har stått på ski før, eller har stått litt på ski. Grunnleggande skiteknikk med fokus på skitryggleik, leik og moro!
- Foreldre lyt vere med og hjelpe til!
- Føregår i nedste barneheisen. Gratis heis.
- Vert avslutta med barneskirenn utan tidtaking, med premiering til alle!
Rekrutt I torsdagar frå og med 12. januar fram til vinterferien. Kl. 18-19.30.
- Aldersgrense 6 år. Høver for deg som har stått litt på ski og ynskjer å lære å stå i heis.
- Føregår i barneheisen ved mellomstasjonen, Bjørneheisen (gratis heis).
- Etter kvart øver vi på å ta heis i stor bakke (heiskort lyt kjøpast).
- Grunnleggande skiteknikk, frå plog til carving, med fokus på skitryggleik og heiskjøring.
Rekrutt II tysdagar frå og med 10. januar fram til vinterferien. Kl. 18-19.30.
- Aldersgrense 7 år. Høver for deg som meistrar å følje ”stor” heis.
- Føregår i stor bakke, i Familietraseen. Heiskort lyt kjøpast.
- Fokus på skiteknikk.
Konkurransegruppe tysdagar og torsdagar
- Høver for deg som ynskjer å trene aktivt.
- Aldersgrense 9 år. To treningar i veka.
- Fokus på skiteknikk, kjøring i lang løype og som førebuing til renn/krinsrenn.
Treningsavgift kr. 550 for alle gruppene.
Påmelding til Ørjan Smådal skiskule@yahoo.no innan 20. desember!
Vi treng:
|
Namn på deltakar |
Fødselsår |
Namn på føresette |
Adresse |
Telefonnr. |
Innmelding i ditt lokale idrettslag: Alle som deltek i organisert aktivitet lyt vere medlem i eit idrettslag. Ein vil då automatisk vere forsikra via NIF si barneidrettforsikring som gjeld både for alpint, fotball eller andre organiserte idrettar. Meld deg inn her: Jølster IL .
Dersom du er over 13 år og kjører aktivt på ski, lyt du teikne skilisens for å få forsikring og for å kunne stille til start ved skirenn. Meir informasjon finn du her: Skiforbundet .
Følg oss også på Facebook!
Vennleg helsing oss i Jølster Alpin og Jølster Skisenter